13 ਅਪ੍ਰੈਲ 2024: ਮੋਹਾਲੀ ਦੇ ਮਟੌਰ ਥਾਣੇ ਦੇ ਇੰਚਾਰਜ ਇੰਸਪੈਕਟਰ ਗੱਬਰ ਸਿੰਘ ‘ਤੇ ਕੁਝ ਬਦਮਾਸ਼ ਉਸ ਸਮੇਂ ਫਾਇਰਿੰਗ ਕਰਕੇ ਫਰਾਰ ਹੋ ਗਏ, ਜਦੋਂ ਉਹ ਰੋਪੜ ਜਾ ਰਹੇ ਸਨ। ਖੁਸ਼ਕਿਸਮਤੀ ਇਹ ਰਹੀ ਕਿ ਜਿਸ ਗੱਡੀ ਵਿੱਚ ਇੰਸਪੈਕਟਰ ਸਫ਼ਰ ਕਰ ਰਿਹਾ ਸੀ, ਉਹ ਬੁਲੇਟ ਪਰੂਫ਼ ਸੀ। ਜਿਸ ਕਾਰਨ ਉਸ ਦੀ ਜਾਨ ਬਚ ਗਈ। ਇਸ ਦੌਰਾਨ ਇੰਸਪੈਕਟਰ ਗੱਬਰ ਨੇ ਸਥਾਨਕ ਥਾਣੇ ਵਿੱਚ ਅਣਪਛਾਤੇ ਬਦਮਾਸ਼ਾਂ ਖ਼ਿਲਾਫ਼ ਐਫਆਈਆਰ ਦਰਜ ਕਰਵਾਈ ਹੈ।
ਜਾਣਕਾਰੀ ਅਨੁਸਾਰ ਇੰਸਪੈਕਟਰ ਗੱਬਰ ਦਾ ਪਿੰਡ ਰੋਪੜ ਨੇੜੇ ਹੈ ਅਤੇ ਉਹ ਆਪਣੇ ਪਿੰਡ ਜਾ ਰਿਹਾ ਸੀ। ਰਸਤੇ ‘ਚ ਅਚਾਨਕ ਕੁਝ ਬਦਮਾਸ਼ਾਂ ਨੇ ਉਸ ‘ਤੇ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਜਾਣਕਾਰੀ ਮੁਤਾਬਕ ਇੰਸਪੈਕਟਰ ਗੱਬਰ ਦਾ ਪਿੰਡ ਰੋਪੜ ਨੇੜੇ ਹੈ ਅਤੇ ਉਹ ਆਪਣੇ ਪਿੰਡ ਜਾ ਰਿਹਾ ਸੀ। ਅਚਾਨਕ ਰਸਤੇ ‘ਚ ਕੁਝ ਬਦਮਾਸ਼ਾਂ ਨੇ ਉਨ੍ਹਾਂ ‘ਤੇ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਇਸ ਤੋਂ ਪਹਿਲਾਂ ਕਿ ਇੰਸਪੈਕਟਰ ਗੱਬਰ ਕੁਝ ਸਮਝਦਾ, ਬਦਮਾਸ਼ ਫਾਇਰਿੰਗ ਕਰਕੇ ਫ਼ਰਾਰ ਹੋ ਗਏ ਸਨ।
ਪਹਿਲਾਂ ਵੀ ਧਮਕੀਆਂ ਮਿਲੀਆਂ ਹਨ
ਇੰਸਪੈਕਟਰ ਗੱਬਰ ਮਟੌਰ ਥਾਣੇ ਤੋਂ ਪਹਿਲਾਂ ਸੀਆਈਏ ਮੁਹਾਲੀ ਦਾ ਇੰਚਾਰਜ ਸੀ, ਜਿੱਥੇ ਉਸ ਨੇ ਕਈ ਅਪਰਾਧੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਜੇਲ੍ਹ ਭੇਜ ਦਿੱਤਾ ਸੀ। ਸੰਭਾਵਨਾ ਜਤਾਈ ਜਾ ਰਹੀ ਹੈ ਕਿ ਜੇਲ੍ਹ ਭੇਜੇ ਗਏ ਬਦਮਾਸ਼ਾਂ ਨੇ ਬਦਲਾ ਲੈਣ ਲਈ ਉਸ ‘ਤੇ ਹਮਲਾ ਕੀਤਾ ਹੈ।
ਸ਼ਾਇਦ ਪਹਿਲਾਂ ਹੀ ਕੋਈ ਸ਼ੱਕ ਸੀ
ਲੱਗਦਾ ਹੈ ਕਿ ਇੰਸਪੈਕਟਰ ਗੱਬਰ ਨੂੰ ਪਹਿਲਾਂ ਤੋਂ ਹੀ ਖਦਸ਼ਾ ਸੀ ਕਿ ਉਸ ‘ਤੇ ਕਿਸੇ ਵੀ ਸਮੇਂ ਕੋਈ ਜਾਨਲੇਵਾ ਹਮਲਾ ਹੋ ਸਕਦਾ ਹੈ ਅਤੇ ਇਸੇ ਲਈ ਉਸ ਨੇ ਬੁਲੇਟ ਪਰੂਫ ਗੱਡੀ ਬਣਵਾਈ। ਇੰਸਪੈਕਟਰ ਆਪਣੇ ਪੱਧਰ ‘ਤੇ ਇਸ ਗੱਲ ਦੀ ਵੀ ਜਾਂਚ ਕਰ ਰਹੇ ਹਨ ਕਿ ਕਿਸ ਬਦਮਾਸ਼ ਨੇ ਉਨ੍ਹਾਂ ‘ਤੇ ਗੋਲੀਆਂ ਚਲਾਈਆਂ ਹਨ।
