ਫਿਲਹਾਲ ਘਰੇਲੂ ਬਾਜ਼ਾਰ ‘ਚ ਚੰਗਾ ਮਾਹੌਲ ਹੈ। ਸੈਂਸੈਕਸ ਅਤੇ ਨਿਫਟੀ, ਜੋ ਕਿ ਪ੍ਰਮੁੱਖ ਇਕੁਇਟੀ ਬੈਂਚਮਾਰਕ ਸੂਚਕਾਂਕ ਹਨ, ਅੱਜ ਵਾਧੇ ਨਾਲ ਖੁੱਲ੍ਹੇ। ਨਿਫਟੀ ਦੇ ਸਾਰੇ ਸੈਕਟਰ ਸੂਚਕਾਂਕ ‘ਚ ਵਾਧਾ ਹੈ ਅਤੇ ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ ‘ਚ ਵੀ ਖਰੀਦਦਾਰੀ ਦਾ ਰੁਝਾਨ ਹੈ। BSE ‘ਤੇ ਸੂਚੀਬੱਧ ਕੰਪਨੀਆਂ ਦੇ ਕੁੱਲ ਮਾਰਕੀਟ ਕੈਪ ‘ਚ 1.39 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ, ਜਿਸ ਕਾਰਨ ਨਿਵੇਸ਼ਕਾਂ ਦੀ ਕੁੱਲ ਦੌਲਤ ਵੀ ਇਸੇ ਰਕਮ ਨਾਲ ਵਧੀ ਹੈ।
ਫਿਲਹਾਲ ਸੈਂਸੈਕਸ 88.97 ਅੰਕ ਜਾਂ 0.11 ਫੀਸਦੀ ਦੇ ਵਾਧੇ ਨਾਲ 81,544.37 ‘ਤੇ ਕਾਰੋਬਾਰ ਕਰ ਰਿਹਾ ਹੈ, ਜਦਕਿ ਨਿਫਟੀ 29.80 ਅੰਕ ਜਾਂ 0.12 ਫੀਸਦੀ ਦੇ ਵਾਧੇ ਨਾਲ 24,887.10 ‘ਤੇ ਕਾਰੋਬਾਰ ਕਰ ਰਿਹਾ ਹੈ। ਇਕ ਦਿਨ ਪਹਿਲਾਂ ਸੈਂਸੈਕਸ 81,455.40 ‘ਤੇ ਅਤੇ ਨਿਫਟੀ 24,857.30 ‘ਤੇ ਬੰਦ ਹੋਇਆ ਸੀ। ਮਾਰਕੀਟ ਕੈਪ ‘ਚ 1.39 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। 30 ਜੁਲਾਈ, 2024 ਨੂੰ BSE ‘ਤੇ ਸੂਚੀਬੱਧ ਕੰਪਨੀਆਂ ਦੀ ਕੁੱਲ ਮਾਰਕੀਟ ਕੈਪ 4,60,91,445.34 ਕਰੋੜ ਰੁਪਏ ਸੀ, ਜੋ ਅੱਜ ਵਧ ਕੇ 4,62,31,245.39 ਕਰੋੜ ਰੁਪਏ ਹੋ ਗਈ ਹੈ।
ਅੱਜ ਬੀ.ਐੱਸ.ਈ. ‘ਤੇ 2623 ਸ਼ੇਅਰਾਂ ਦਾ ਕਾਰੋਬਾਰ ਹੋ ਰਿਹਾ ਹੈ, ਜਿਨ੍ਹਾਂ ‘ਚੋਂ 1873 ਸ਼ੇਅਰਾਂ ‘ਚ ਤੇਜ਼ੀ ਅਤੇ 589 ਸ਼ੇਅਰਾਂ ‘ਚ ਗਿਰਾਵਟ ਦਿਖਾਈ ਦੇ ਰਹੀ ਹੈ। 168 ਸ਼ੇਅਰ ਇਕ ਸਾਲ ਦੇ ਉੱਚੇ ਪੱਧਰ ‘ਤੇ ਅਤੇ 7 ਸ਼ੇਅਰ ਇਕ ਸਾਲ ਦੇ ਹੇਠਲੇ ਪੱਧਰ ‘ਤੇ ਪਹੁੰਚ ਗਏ ਹਨ। ਇਸ ਤੋਂ ਇਲਾਵਾ 123 ਸ਼ੇਅਰ ਅੱਪਰ ਸਰਕਟ ‘ਤੇ ਅਤੇ 40 ਸ਼ੇਅਰ ਲੋਅਰ ਸਰਕਟ ‘ਤੇ ਪਹੁੰਚ ਗਏ ਹਨ।
